प्यूठान । प्यूठानको स्वर्गद्वारी नगरपालिकाका उपप्रमुख मीनराज रानामगरको सवारी दुर्घटनामा परी निधन भएको छ। शनिबार ९असार १३० आफूले चलाएको गाडी दुर्घटना हुँदा ५० वर्षीय रानामगरको घटनास्थलमै मृत्यु भएको हो ।

स्वर्गद्वारीबाट धनवाङतर्फ जाँदै गरेको लु प्र ०१–००१ झ ०००८ नम्बरको गाडी नगरपालिकाको वडा नं २, बांगेसल्ला क्षेत्रमा दुर्घटनाग्रस्त भएको थियो। अनियन्त्रित भई सडकबाट करिब ५०० मिटर तल खसेको गाडीमा उनी सवार थिए ।