कांग्रेस केन्द्रीय समिति बैठक स्थगित : आगामी मंगलबार बस्ने

काठमाडौँ । नेपाली कांग्रेसको केन्द्रीय कार्यसमितिको बैठक स्थगित गरिएको छ । आइतबार साढे ११ बजे बस्ने तय भएको बैठक पूर्वकेन्द्रीय सदस्य, पूर्वमन्त्री एवं रौतहटका पूर्वजिल्ला सभापति मोहम्मद आफ्ताव आलमको निधनका कारण स्थगित गरिएको मुख्यसचिव कृष्णप्रसाद पौडेलले जानकारी दिए ।
उनको निधनपछि कार्यवाहक सभापति पूर्णबहादुर खड्काको सभापतित्वमा आज बसेको केन्द्रीय कार्यसमितिको आकस्मिक बैठकले शोकका कार्यक्रम घोषणा गर्दै बैठक २५ गते दिउँसो ११स्३० बजेसम्मलाई सारेको हो।

लामो समयदेखि जारी कांग्रेसको केन्द्रीय कार्यसमिति बैठकमा नियमित महाधिवेशन गर्ने कि विशेष महाधिवेशन गर्ने र त्यो चुनावअघि गर्ने कि चुनावपछि भन्ने विषयमा छलफल चलिरहेको छ। यसबारे साझा मत बन्न नसक्दा बैठक लम्बिएको हो।