हर्मुज खोल्ने मागमा चीन-रूसको भिटो, राष्ट्र संघको प्रस्ताव अस्वीकार

काठमाण्डौँ । इरान संकटको बीचमा संयुक्त राष्ट्र संघमा हर्मुजको नाका खोल्ने प्रस्ताव पारित हुन सकेन । रूस र चीनले यसलाई भिटो गरे । मिडिया रिपोर्टका अनुसार प्रस्तावमा कुनै सैन्य कारबाहीको लागि आह्वान गरिएको थिएन । यो प्रस्ताव बहराइनले पेश गरेको थियो। अल जजीराको रिपोर्ट अनुसार विगत दुई हप्तामा यो प्रस्ताव छ पटक संशोधन गरिएको थियो । किनभने धेरै देशहरू यसको केही भागहरूसँग असहमत थिए ।

यता अमेरिकी राष्ट्रपति डोनाल्ड ट्रम्पले आज राति इरानको सम्पूर्ण सभ्यतालाई नष्ट गर्ने धम्की दिएका छन्। उनले सामाजिक सञ्जाल ट्रुथमा लेखेका छन्,आज राति, एउटा सम्पूर्ण सभ्यताको अन्त्य हुनेछ, जुन कहिल्यै पुनर्स्थापित हुन सक्दैन ।