चामेमा नदी थुनिएपछि मुख्यमन्त्रीको आकस्मिक निरीक्षण, खुलाउने प्रयास जारी

मनाङ । मनाङमा आएको विपद् र बाढीपहिरोका कारण खोलाघरमा थुप्रिएको ग्राबेल, ठूला ढुङ्गा तथा थुनिएको नदीलाई सुरक्षित रूपमा खुलाउन र प्रभावित क्षेत्रको अवस्था बुझ्न गण्डकी प्रदेशका मुख्यमन्त्री सुरेन्द्रराज पाण्डेले मनाङको चामे पुगेर स्थलगत निरीक्षण गरेका छन् ।

यसै सन्दर्भमा अवरुद्ध संरचना सञ्चालनमा ल्याउन र उद्धार तथा राहत कार्यलाई तीव्रता दिन जिल्ला विपद् व्यवस्थापन समितिको विशेष बैठकसमेत सम्पन्न भएको छ । उक्त निरीक्षण तथा बैठकमा गण्डकी प्रदेश सभाका मुनिन्द्रजंग गुरुङ, मनाङ जिल्लाका प्रमुख जिल्ला अधिकारी, प्रहरी इन्स्पेक्टरलगायत सुरक्षा निकायका प्रमुखहरू र स्थानीय तहका जनप्रतिनिधिहरूको सहभागिता रहेको थियो।