काठमाडौं– आगामी फागुन २१ गते हुने प्रतिनिधिसभा निर्वाचनका लागि नेकपा एमालेले देशभर उम्मेदवार सिफारिस गर्ने प्रक्रिया तीव्र पारेको छ । केन्द्रको निर्देशनअनुसार जिल्ला तथा क्षेत्रीय कमिटीहरूले सिफारिस पठाइरहेका छन् ।

एमाले सचिव महेश बस्नेतका अनुसार हालसम्म २४ निर्वाचन क्षेत्रबाट एकल नाम सिफारिस भइसकेको छ । झापा–५ बाट केपी शर्मा ओली, रुपन्देही–२ बाट विष्णु पौडेल, दाङ–२ बाट शंकर पोखरेललगायतका नेताहरू एकल सिफारिसमा परेका छन् । केही जिल्लामा भने एकभन्दा बढी आकांक्षीको नाम पठाइएको छ । सबै सिफारिस प्राप्त भएपछि उम्मेदवारको अन्तिम टुंगो पार्टी केन्द्रले लगाउने एमालेले जनाएको छ ।