सम्पत्ति शुद्धीकरण मुद्दामा बमजनले पाए सफाइ

काठमाडौँ । जिल्ला अदालत सर्लाहीले लिटिल बुद्ध भनिने रामबहादुर बमजनलाई सम्पत्ति शुद्धीकरणको कसुरमा सफाइ दिएको छ । न्यायाधीश महेन्द्रराज काफ्लेको इजलासले वैशाख ८ गते उक्त मुद्दामा अभियोग दाबी नपुग्ने फैसला गर्दै बमजनलाई दोषमुक्त ठहर गरेको हो ।

सम्पत्ति शुद्धीकरण अनुसन्धान विभागले बमजन विरुद्ध ८ करोड ५९ लाख रुपैयाँ बिगो मागदाबी गर्दै मुद्दा दायर गरेको थियो । यसअघि अदालतले उनलाई पुर्पक्षका लागि थुनामा पठाएको थियो भने फैसलासँगै उनी सर्लाही कारागारबाट मुक्त भइसकेका छन् ।