काठमाडौँ । नेकपा एमालेका नेता महेश बस्नेतले चाडपर्व सकिएलगत्तै आफ्नो पार्टी सरकारविरुद्ध सडक आन्दोलनमा उत्रिने बताएका छन्। मंगलबार च्यासलस्थित पार्टी केन्द्रीय कार्यालयमा सञ्चारकर्मीहरूसँग कुरा गर्दै उनले वर्तमान सरकार महँगी, भ्रष्टाचार र कुशासनमा लिप्त भएकाले त्यसको प्रतिवाद गर्न आन्दोलनको विकल्प नरहेको दाबी गरेका हुन्।

भर्खरै सम्पन्न पार्टीको केन्द्रीय कमिटी बैठकले सरकारका जनविरोधी गतिविधि र अधिनायकवादी हर्कतविरुद्ध सशक्त प्रतिवाद गर्ने निर्णय गरेको बस्नेतले जानकारी दिए।