काठमाडौँ । नेकपा एमालेका नेता रघुजी पन्तले ११औँ महाधिवेशनमा उपाध्यक्ष पदका लागि उम्मेदवारी दिने भएका छन् । पन्तले अध्यक्ष केपी शर्मा ओलीको समूह छाडी वरिष्ठ उपाध्यक्ष ईश्वर पोखरेल पक्षबाट उपाध्यक्ष पदमा उम्मेदवारी दिने तयारी गरेका हुन् । उपाध्यक्ष पदमा उम्मेदवारी दिन मनोनयन फारम लिइसकेको उनको भनाइ छ । ओली समूहबाट उपाध्यक्षमा रामबहादुर थापा, प्रदीप ज्ञवाली, विष्णु पौडेल, गुरु बराल र पृथ्वी सुब्बा गुरुङको नाम टुङ्गो लागेको छ।

तर ज्ञवाली महासचिव पदमै उठ्ने अडानमा रहेका कारण रघुजी पन्तले ईश्वर पोखरेल पक्षबाट उपाध्यक्षमा प्रतिस्पर्धा गर्ने भएका हुन् ।