काठमाडौँ । अमरेशकुमार सिंह राष्ट्रिय स्वतन्त्र पार्टी रास्वपा प्रवेश गर्ने भएका छन् । नेपाली कांग्रेसबाट कारबाहीमा परेका २०७९ को प्रतिनिधि सभा निर्वाचन सर्लाहीका स्वतन्त्र सांसद डा। अमरेशकुमार सिंहले आफू रास्वपामा प्रवेश गर्न लागेको फेसबुकमार्फत जानकारी दिएका हुन् ।

विघटित प्रतिनिधि सभाका सांसद सिंहले माघ ५ गते जनकपुरधाममा हुने रास्वपाको कार्यक्रममा सहभागी भएर पार्टी प्रवेश गर्ने घोषणा गरे । फेसबुकमा सिंहले लेखेका छन्, ‘यही माघ ५ गते जगत जननी माता सिताको जन्मस्थल जनकपुरधाममा हुने राष्ट्रिय स्वतन्त्र पार्टीको कार्यक्रमबाट आफ्नो नयाँ राजनीतिक अध्यायको सुरुवात गर्दैछु।’

सिंहले स्वतन्त्र रहँदा देश र मधेशमा उठाएको भ्रष्टाचार र कुशासनविरुद्धको आवाज अब अझ बुलन्द हुने बताएका छन् । उनले मधेशमा शिक्षा, स्वास्थ्य, रोजगारी र भौतिक पूर्वाधारको विकास चाहने सबैलाई कार्यक्रममा सहभागी हुन आह्वान गरेका छन् ।