७ वर्षपछि दुर्घटना होइन, हत्या पुष्टि : श्रीमतीसहित ३ जना पक्राउ

काठमाण्डौँ । महोत्तरीको बर्दिबासमा ७ वर्षअघि ‘सवारी दुर्घटना’ भनिएको एक घटनाको वास्तविकता अहिले खुलेको छ । प्रहरी अनुसन्धानले सो घटना योजनाबद्ध हत्या भएको पुष्टि गर्दै मृतककी श्रीमतीसहित ३ जनालाई पक्राउ गरेको छ । २०७६ असार ३१ गते राति बीपी राजमार्ग नजिक स्कुटर दुर्घटनामा परेर ३६ वर्षीय सरोज भन्ने श्रवणकुमार थापाको मृत्यु भएको थियो । त्यतिबेला सामान्य दुर्घटना मानिएको उक्त घटनामा परिवारले शंका गरेपछि पुनः अनुसन्धान सुरु गरिएको थियो ।

केन्द्रीय अनुसन्धानपछि घटना ‘सुपारी’ दिएर गरिएको हत्या भएको खुलेको हो । श्रीमती पूजा थापा, उनकी बहिनीहरू निशा बस्नेत र आरती बस्नेतले मिलेर हत्या योजना बनाएको आरोप छ । सरोजलाई राति बाहिर लगेर ढुंगाले प्रहार गरी हत्या गरिएको र पछि दुर्घटनाजस्तो देखाइएको प्रहरीले जनाएको छ ।

घटनापछि भारततर्फ फरार रहेका उनीहरूलाई हालै सीमा क्षेत्रबाट पक्राउ गरिएको हो । यसअघि हत्या कार्यान्वयनमा संलग्न ४ जना पक्राउ परे पनि जेलबाट फरार भइसकेका छन् । डीएसपी विकास बमको नेतृत्वमा भएको अनुसन्धानले ७ वर्ष पुरानो रहस्य खोलेको हो । प्रहरीले अन्य फरार आरोपीहरूको खोजी तीव्र बनाएको जनाएको छ ।

एक्सप्रेस

सम्बन्धित खबर

जेनजी मुभमेन्ट नेपालद्वारा तत्कालीन प्रधानमन्त्री र गृहमन्त्री मात्र नभई सुरक्षा निकायका आरोपी व्यक्तिहरूलाई समेत पक्राउ गर्न माग

मिडियाबाजी डटकम काठमाडौँ ।जेन्जी आन्दोलनका क्रममा भएको दमनप्रति लक्षित गर्दै जेनजी मुभमेन्ट नेपालले तत्कालीन प्रधानमन्त्री र गृहमन्त्री मात्र नभई संलग्न सुरक्षा निकायका जिम्मेवार व्यक्तिहरूलाई समेत पक्राउ गरी कारबाही प्रक्रिया अगाडि बढाउन सरकारसँग...