राष्ट्रपतिसमक्ष सरकारलाई फिर्ता बोलाउनेसहित ५ बुँदे माग

काठमाडौँ । विभिन्न नाममा सङ्गठित २३ जेनजी समूहले बिहीबार राष्ट्रपति रामचन्द्र पौडेललाई संयुक्त ज्ञापन पत्र बुझाएका छन् । ज्ञापन पत्रमा सरकार जेनजी आन्दोलनको जगमा बनेको भए पनि केवल चुनावमा मात्र केन्द्रित गर्नु स्वीकार्य नहुने उल्लेख छ । उनीहरूले सरकारलाई दिशाहीन र आन्दोलनका मूल भावना बेवास्ता गरेको आरोप लगाएका छन् । यो विद्रोह केवल अर्ली इलेक्सनका लागि मात्र थिएन । आन्दोलनमा सहभागी जेनजी, घाइते र शहीद परिवारका माग तत्काल सम्बोधन गर्नुपर्छ, ज्ञापन पत्रमा भनिएको छ ।

माग सम्बोधन हुन नसकेमा सरकारलाई फिर्ता बोलाएर जेनजी समूहको नेतृत्वमा नयाँ सरकार गठनका लागि राष्ट्रपतिले पहल गर्नुपर्ने मागसमेत उनीहरूले राखेका छन् । माग पूरा नभए शान्तिपूर्ण आन्दोलन र दबाब कार्यक्रम पुनः सुरु गर्ने चेतावनी पनि ज्ञापन पत्रमा उल्लेख छ । ज्ञापन बुझाउने संगठनमा जेनजी नेशनल फ्रन्ट लाइनर, जेनजीसी स्पार्क, एन टेक जेनजी, ऋणी एसोसिएसन नेपाल, जेनजी वाई युनाइटेड, रियल जेनजीलगायत २३ समूह सामेल थिए।

मुलुकका ठूला भ्रष्टाचार प्रकरणमा संलग्नलाई कारबाही, जेनजी आन्दोलनमा ‘नरसंहार’ गर्ने जिम्मेवारहरूलाई कानुनी कारबाही, घाइतेको उपचार सुनिश्चितता तथा शहीद परिवारका लागि क्षतिपूर्ति र दीर्घकालीन भरण पोषणको व्यवस्था गर्न पनि माग गरिएको छ ।

एक्सप्रेस

सम्बन्धित खबर

पुराना अनुहारले कांग्रेस संकटमा, नयाँ नेतृत्व अपरिहार्य : उमेश श्रेष्ठ

विराटनगर । नेपाली कांग्रेसका कोषाध्यक्ष उमेश श्रेष्ठले कांग्रेसभित्र अब पूरानो शैली र अनुहारभन्दा नयाँ, पढेलेखेका, उद्यमशील र विषयविज्ञ युवालाई नेतृत्वमा ल्याउनुपर्ने आवश्यकता औंल्याएका छन् । ने...