काठमाडौँ । काठमाडौँ उपत्यकाका १ हजार ८१६ सुकुमबासी परिवार सरकारको सम्पर्कमा गएका छन् । काठमाडौँ उपत्यकाका बागमती र यसका सहायक नदी किनारका अवैध संरचना हटाउने सरकारी कदमपछि हालसम्म १ हजार ८१६ सुकुम्बासी परिवार सरकारको सम्पर्कमा पुगेका हुन् ।

प्रधानमन्त्री बालेन्द्र शाह बालेनको सचिवालयका अनुसार जोखिमपूर्ण सार्वजनिक जग्गा खाली गराउने क्रममा ७ हजार ७८९ जना नागरिकले आफूलाई सुकुम्बासी दाबी गर्दै विवरण बुझाएका हुन् । सम्पर्कमा आएकामध्ये ७९४ जनालाई सरकारले तोकेका विभिन्न होल्डिङ सेन्टरहरूमा स्थानान्तरण गरिसकिएको छ भने दशरथ रंगशालास्थित स्क्रिनिङ सेन्टरमा पुगेका अन्य व्यक्तिहरूले हालका लागि आफ्नै पहलमा आवासको व्यवस्था गर्ने भन्दै बाहिरिएका छन् ।