काठमाडौँ ।  नेपाली कांग्रेसका निवर्तमान सभापति शेरबहादुर देउवा पक्षले १५औं महाधिवेशनअन्तर्गत बिहीबार एकै दिन देशभरका तीन हजार १९१ वडामा नयाँ नेतृत्व चयन गरेको छ । पार्टीभित्र आन्तरिक विवाद र समानान्तर गतिविधिको वातावरण बनिरहेका बेला देउवा पक्षले बिहीबारदेखि वडा अधिवेशन प्रक्रिया औपचारिक रूपमा अघि बढाएको हो । 

वडा अधिवेशन सम्पन्न गराउन केन्द्रीय निर्वाचन समितिले ५६ जिल्लामा विशेष निर्वाचन संयोजक र ७७ वटै जिल्लामा केन्द्रीय निर्वाचन अधिकृत खटाएको छ।