मिडियाबाजी डटकम काठमाडौँ, जेठ २ । गत चैत १५ गतेको तीनकुने हिंसात्मक घटनामा संलग्न रहेको आरोपमा पक्राउ परेका राष्ट्रिय प्रजातन्त्र पार्टी (राप्रपा) का वरिष्ठ उपाध्यक्ष रवीन्द्र मिश्रलाई सर्वोच्च अदालत उपस्थित गराइएको छ। बयानका लागि उनलाई अदालत लागिएको हो । आज अदालत परिसरमा पुग्ने बित्तिकै हातको हतकडी खोलिएको छ।
मिश्रको तर्फबाट सर्वोच्च अदालतमा दायर बन्दी पत्यक्षीकरण रिटमा यसअघि सर्वोच्चले कारण देखाउ आदेश जारी गर्दै २४ घण्टाभित्र अदालतमा उपस्थित गराउन आदेश दिएको थियो। आज मिश्रको रिट न्यायाधीश कुमार चुँडाल र तिलप्रसाद श्रेष्ठको इजलासमा तोकिएको छ। मिश्रको तर्फबाट उनकी पत्नी सारिका कार्कीले रिट दायर गरेकी थिइन्।
