मिडियाबाजी डटकम काठमाडौं,श्रावण१७। तेह्रथुममा छोराको कुटपिटबाट बाबुको मृत्यु भएको छ।तेह्रथुम जिल्लाको छथर गाउँपालिका-५, ठकुरी टोलका ५३ वर्षीय भक्तबहादुर भण्डारीको छोराको कुटपिटबाट मृत्यु भएको हो ।आज बिहान भण्डारीलाई आफ्नै छोरा २४ वर्षीय टंकले धान कुट्ने मुस्ली टाउकामा प्रहार गरेका थिए।
घाइते भएका भण्डारीलाई छिमेकी र शुक्रबारे चौकीबाट खटिएको प्रहरी टोलीले उपचारका लागि छथर अस्पताल पुर्याएका थिए। तर भण्डारीको उपचारका क्रममा मृत्यु भएको जिल्ला प्रहरी कार्यालय तेह्रथुमले जनाएको छ।बाबुलाई मुस्लीले प्रहार गरी फरार रहेका छोराको खोजी कार्य जारी रहेको प्रहरी कार्यालयले जनाएको छ। घरायसी विवादमा छोराले बाबुमाथि आक्रमण गरेको प्रहरीको भनाइ रहेको छ।
