मिडियाबाजी डटकम काठमाण्डाैं । तारा एअरको दुर्घटनाग्रस्त जहाज फेला पारेका यार्सागुम्बा सङ्कलक विशाल घर्तीले जहाजमा रहेका कोही पनि जीवित नभेटिएको बताउनुभएको छ । मिडियाबाजीसँग कुरा गर्दै उहाँले आफूहरूले बिहान करिब ६ बजे जहाज दुर्घटनाग्रस्त अवस्थामा भेटेको र कोही जीवित छ कि भनेर हेर्दा नदेखेको बताउनुभयो ।
दुर्घटनास्थलमा नेपाली सेना, नेपाल प्रहरीसहितको उद्धार टोली पुगेको छ । त्यहाँ पुगेका होटल व्यवसायी इन्दुसिंह शेरचनले पनि कोही जीवित अवस्थामा नभेटिएको मिडियाबाजीलाई जानकारी दिनुभयो । उहाँका अनुसार गएको कात्तिक २८ गते हिमपहिरो गएको मानापाथी हिमालको फेदीमा पर्ने सानोशेरे भन्ने ठाउँमा जहाज दुर्घटनाग्रस्त अवस्थामा फेला परेको हो । यहि ठाउँमा जहाज रहेको अनुमान हिजो नै एक सैनिक अधिकारीले जानकारी दिनुभएको थियो ।दुर्घटनाग्रस्त विमानमा ६ जना विदेशी र ३ चालकदलसहित २२ जना यात्रु सवार थिए।
