मिडियाबाजी डटकम काठमाडौँ,भाद्र १५ । साताको पहिलो कारोबार दिन सेयर बजार नेप्से परिसूचक ३१.१७ अंकले घटेर २७४९ को विन्दुमा कायम भएको छ ।
नेप्सेमा यसदिन ३२१ कम्पनीको १ करोड ४८ लाख ५ हजार ५६९ कित्ता सेयर किनबेच हुँदा ६ अर्ब ६ करोड माथिको सेयर कारोबार भएको छ ।
आज उन्नती सहकार्य लघुवित्त वित्तीय संस्थाका लगानीकर्ताले सर्वाधिक ६.७७ प्रतिशतका दरले कमाएका छन् । यस्तै आशा लघुवित्तका लगानीकर्ताले ४.१६ प्रतिशतका दरले कमाएका छन् ।
ग्लोबल आइएमई समुन्नत योजना २ का इकाईधनीले आज सर्वाधिक १० प्रतिशतका दरले गुमाएका छन् ।
यसदिन नेपाल पुनर्बीमा कम्पनीको सर्वाधिक ४५ करोड ४६ लाख रुपैयाँको सेयर कारोबार भएको छ । दोस्रोमा हिमालयन रिइन्स्योरेन्सको २८ करोड ८८ लाख रुपैयाँ र तेस्रोमा हिमालयन डिष्टिलरीको २६ करोड ३३ लाख रुपैयाँको सेयर कारोबार भएको छ ।
