मिडियाबाजी डटकम काठमाडौँ,भाद्र १२ । नेपाली बजारमा बिहीबार सुनको मूल्यले नयाँ रेकर्ड बनाएको छ ।
नेपाल सुनचाँदी व्यवसायी महासंघका अनुसार आज सुनको मूल्य तोलामा ४०० रुपैयाँले बढेर हालसम्मकै उच्च मूल्यमा पुगेको हो ।
बिहीबार छापावाल सुनको मूल्य प्रतितोला एक लाख ९९ हजार ४०० रुपैयाँ कायम भएको छ । अघिल्लो दिन बुधबार छापावाल सुन तोलामा एक लाख ९९ हजार रुपैयाँमा कारोबार भएको थियो ।
यस्तै आज चाँदीको मूल्य तोलामा १० रुपैयाँले बढेको छ । यससँगै बिहीबार चाँदीको मूल्य प्रतितोला २३ सय ५५ रुपैयाँ कायम भएको छ।
