मिडियाबाजी डटकम काठमाडौँ,भाद्र २ । अष्ट्रेलियमा जारी टप इन्ड टी–२० सिरिज अन्तर्गत आज (सोमबार) नेपालले आफ्नो तेस्रो खेल अष्ट्रेलियाको बिग बास लिग टिम मेलवर्न स्टार्ससँग खेल्दै छ ।
खेल नेपाली समय अनुसार विहान सवा ७ बजेदेखि शुरु हुनेछ । नेपालले यसअघि बंगलादेश ‘ए’ सँग र एनटी स्ट्राइकसँग हार व्यहोरेको थियो ।
त्यस्तै मेलवर्न स्टार्सले यसअघि खेलेका २ खेलमा एक जित र एक हार व्यहोरेको छ । नेपाल क्रिकेट संघ क्यानले टप इन्ड टी–२० सिरिज खेल्न रोहित पौडेलको कप्तानीमा १५ सदस्यीय टिम अष्ट्रेलिया पठाएको छ ।
नेपाली टिममा रोहित पौडेल –कप्तान), दिपेन्द्र सिंह ऐरी –उपकप्तान), सन्दीप लामिछाने, कुशल भुर्तेल, आसिफ सेख, कुशल मल्ल, गुलशन झा, आरिफ सेख, भीम सार्की, रुपेश कुमार सिंह, सोमपाल कामी, नन्दन कुमार यादव, करण केसी, रिजन ढकाल, लोकेस बम र शहाब आलम रहेका छन् । आलम ललित राजबंशी आफ्नी आमाको मृत्यु भएका कारण जान नपाएपछि उनको ठाउमा अष्ट्रेलिया गएका छन् ।
अष्ट्रेलियाको नार्थर्न टेरोटोरी क्रिकेटले आयोजना गर्ने यो प्रतियोगिता अगस्त १४ देखि २४ सम्म अष्ट्रेलियाको डर्विनमा हुँदैछ ।
प्रतियोगितामा नेपालसहित पाकिस्तान र बंगलादेशका ‘ए’ टिम सहभागी हुँदैछन् भने शिकागो किंग्समेन, होबर्ट हुरीकेन्स, पर्थ स्कोर्चर्स, एडिलेड स्ट्राइकर्स, मेलबर्न स्टार्स, मेलबर्न रेनेगेड्स, एसिटी कमेट्स र एनटी स्ट्राइक सहभागी छन् ।
यस प्रतियोगितामा नेपालले अर्को खेल १९ अगस्तमा होबर्ट हुरिक्यान्ससँग, २० अगस्तमा मेलवर्न रेनेगेड्स र २२ अगस्तमा पाकिस्तान ए सँग खेल्ने तालिका रहेको छ ।
यी खेलपछि शीर्ष चार स्थानमा हुने टिम सेमिफाइनलमा खेल्ने छन् । २०२२ देखि भएको यो प्रतियोगिता यसअघि तीन पटक भएको छ । २०२२ मा ५ टिमबाट शुरु भएको यो प्रतियोगितामा यस पटक ११ टिमले भाग लिएका छन् ।
