मिडियाबाजी डटकम काठमाडौँ भाद्र ३१ । नेपाली बजारमा मंगलबार सुनको मूल्यले नयाँ रेकर्ड बनाएको छ ।
नेपाल सुनचाँदी व्यवसायी महासंघका अनुसार आज सुनको मूल्य प्रतितोला एक हजार ९०० रुपैयाँले बढेको हो । यससँगै छापावाल सुनको मूल्य हालसम्मै उच्च मूल्य अर्थात् तोलामा दुई लाख १७ हजार १०० रुपैयाँ कायम भएको छ । यसअघि सोमबार छापावाल सुनको मूल्य प्रतितोला दुई लाख १५ हजार २०० रुपैयाँमा कारोबार भएको थियो ।
यस्तै, आज चाँदीको मूल्य तोलामा २० रुपैयाँले बढेको छ । यससँगै चाँदीको मूल्य प्रतितोला दुई हजार ५ सय ९५ रुपैयाँ कायम भएको छ । पछिल्लो समय सुनसँगै चाँदीको मूल्यमा पनि लगातार उच्च मूल्यको रेकर्ड बनिरहेको छ ।
