मिडियाबाजी डटकम काठमाडौँ , पौष १४ । काठमाडौंको कागेश्वरी मनोहरा नगरपालिका–७ मा गोली लागेर दुई जना घाइते भएका छन् । रिद्धिसिद्धि बसपार्क नजिकै अर्जुन श्रेष्ठको घरभित्र गोली प्रहार भएको हो ।
खोटाङ हलेसी तुवाचुङ ७ का साहिर शंकर नामका व्यक्तिले पेस्तोल प्रहार गर्दा घरधनी अर्जुन र श्रीमती शान्ति देवी श्रेष्ठ घाइते भएको प्रहरीले जनाएको छ ।
उनीहरूको राष्ट्रिय ट्रमा सेन्टरमा उपचार भइरहेको छ । गोली प्रहार गर्ने शंकर पनि घाइते छन् । उनलाई नियन्त्रणमा लिने क्रममा उनी पनि घाइते भएका बताइएको छ । व्यक्तिगत रिसिइबीको कारण गोली प्रहारको घटना भएको खुल्न आएको छ । घटनाबारे थप अनुसन्धान भइरहेको छ ।
