माघ १७, काठमाण्डौँ । प्रतिनिधिसभाको बैठकको प्रारम्भ र स्थगन गर्न पाउने अधिकार उपसभामुखलाई पनि हुने व्यवस्था राखेर नियमावली संशोधन गर्न सहमति जुटेको छ ।
प्रतिनिधिसभाको नियमावली २०७५ लाई संशोधन गर्नका लागि गठन भएको नियमावली मस्यौदा समितिको बैठकमा उपसभामुखलाई पनि बैठकको प्रारम्भ र स्थगन गर्न सक्ने व्यवस्था राखिएको छ । संविधानको धारा ९१ को उपधारा ४ बमोजिम प्रतिनिधिसभाको सभामुखको अनुपस्थितीमा उपसभामुखले प्रतिनिधिसभाको अध्यक्षता गर्नेछ भनिएको छ ।
तर, प्रतिनिधिसभाको नियमावलीमा उपसभामुखलाई बैठकको प्रारम्भ र स्थगत गर्न पाउने व्यवस्था राखिएको थिएन। प्रतिनिधिसभाको नियमावली २०७५ को नियम ६ को उपनियम ४ मा सभामुखले प्रत्येका बैठकको प्रारम्भ तथा स्थगनको घोषणा गर्नेछ भनिएको छ।
