मिडियाबाजी डटकम काठमाडौं,असार १७ । नारायणगढ–मुग्लिन सडक पुनः बन्द भएको छ । शनिबार बेलुका तुइनखोला पुल नजिकै र नाम्सीमा पहिरो पन्छाएर सडक सुचारु गरिए पनि तुइनखोला पुल नजिकै शनिबार राति ११ बजे पुनः पहिरो झरेर सडक पुरिएको हो ।
ट्राफिक प्रहरीले पहिरो पन्छाउने तयारी भइरहेको जनाएको छ । सडक कतिबेला खुल्छ भन्ने निश्चित नभएकोले सडक खुल्ने यकिन नभई यात्रा नगर्न ट्राफिक प्रहरीले आग्रह गरेको छ ।
