क्वालालम्पुर : मंगलबार मध्यरातसम्मको विवरण अनुसार देशका विभिन्न भागमा ४ हजार ७ सय ५९ जना कोभिड–१९ का नयाँ बिरामी थपिएका छन् । यस्तै, ९ जनाको संक्रमणबाट मृत्यु भएको छ ।
स्वास्थ्य मन्त्रालयका अनुसार देशमा कोरोनाबाट पीडितको सङ्ख्या ४६ लाख ५९ हजार ७ सय १० पुगेको छ भने ३५ हजार ९ सय ३२ जनाले ज्यान गुमाएका छन् ।यसैबीच, न्युजिल्याण्डमा ८ हजार ७ सय ३० जनामा कोरोना सङ्क्रमण पुष्टि भएको छ ।
यो सँगै त्यहाँ १५ लाख ७७ हजार ४ सय १४ जनामा कोभिडबाट प्रभावित भएका स्वास्थ्य मन्त्रालयले जनाएको छ । सन् २०२० मा कोभिड–१९ महामारी सुरु भएयता १ हजार ४ सय २७ जनाको मृत्यु भइसकेको छ ।
रासस–सिन्व्हा
