मिडियाबाजी डटकम काठमाडौं, आषाढ ११। राणाकालमा मानिसलाई पनि मास्न (मार्न) हुने र नहुने किनबेच दासदासी बनाउन मिल्ने की नमिल्ने भन्ने बिषयमा रहेर ऐन बनेको थियो । नेपालको पहिलो मुलुकी ऐन(वि.सं १९१०)मा भएको मानवीय विभेदको बिषय मासिन्य (मास्न मिल्ने)शिर्षकमा लेखिएको कवि मुक्तान थेबाको कवितासङ्ग्रह ‘मासिन्य’ माथि बहस कार्यक्रम सम्पन्न भएको छ । खुशीबु नयाँबजारको थेबा ला बुक्स एण्ड कफि सपमा भएको कार्यक्रममा वक्ताको रूपमा बोल्दै उज्ज्वल प्रसाईले गाइ गोरु वर बाच्छा बाच्छी कविताले कविको खास अस्तित्वलाई उजागार गरेको र उक्त कविता संग्रहका शक्तिशाली कविता रहेका बताए ।

त्यसैगरी मानवशास्त्री डा. मुक्तमुक्त सिंह लामा मासिन्यको बारेमा आदिबासी समुदायको विगतलाई वर्तमानसँग जोड्दै लेखिएको कविताको रुपमा बहस गरेका थिए। साथै अर्का वक्ता प्रणिका कोयुले नारीलाइ नग्न बनाएको तथा बिदेशमा बेचिएकी विषयभावको कविताको बारेमा समीक्षात्यमक प्रश्न उठाएकी थिइन् । उक्त कार्यक्रममा गुरुङ शुसान्तले सहजकर्ताको भूमिका निर्वाह गरेका थिए। कार्यक्रममा विभिन्न विधाका साहित्यकारहरू र सञ्चारकर्मीहरूको उल्लेख्य उपस्थिति रहेको थियो।