अख्तियार दुरूपयोग अनुसन्धान आयोगले घुस लिइरहेको अवस्थामा मोहन्याल गाउँपालिकाका अधिकृतलाई पक्राउ गरेको छ। कैलालीको मोहन्याल गाउँपालिकाका अधिकृत दिपेन्द्र बुढा क्षेत्रीलाई पक्राउ गरेको अख्तियारका प्रवक्ता श्यामप्रसाद भण्डारीले जानकारी दिए।
उनका अनुसार क्षेत्रीले सेवाग्राहीसँग ३० हजार रुपैयाँ घुस माग गरेको सूचना अख्तियारले पाएको थियो। उक्त सूचनाको आधारमा अख्तियारको कञ्चनपुर कार्यालयबाट खटिएको टोलीले क्षेत्रीलाई सेवाग्राहीबाट ३० हजार रुपैयाँ घुस लिइसकेको अवस्थामा फेला पारेको भण्डारीले बताए।क्षेत्रीलाई घोडाघोडी नगरपालिका-१ स्थित होटेल नवरत्नबाट आइतबार पक्राउ गरेको हो। उनीमाथि थप अनुसन्धान भइरहेको अख्तियारले जनाएको छ।
