नेपालगन्ज । बाँकेको नेपालगन्जस्थित भेरी अस्पतालमा कोरोना संक्रमणका कारण थप एक जनाको मृत्यु भएको छ ।
भेरी अस्पताल नेपालगन्जमा उपचाररत कोहलपुर नगरपालिका वडा नम्बर ११ की ६० बर्षीया महिलाको मृत्यु भएको जिल्ला कोभिड व्यवस्थापन केन्द्र बाँकेका फोकल पर्सन तेज वलीले बताउनुभयो । भदौ १० गते अस्पताल भर्ना भएकी उनमा ११ गते कोरोना पुष्टि भएको थियो ।
उनको आज दिउँसो १२.५० बजे मृत्यु भएको हो । यो संगै कोरोनाबाट हालसम्म बाँकेका ३ सय २९ र बाँकेमा उपचाररत बाहिरी जिल्लाका ३ सय ९८ जनाको मृत्यु भएको छ ।
