मिडियाबाजी डटकम काठमाडौं : नेपालमा पछिल्लो २४ घण्टामा ९० जनामा कोरोना भाइरसको संक्रमण पुष्टि भएको छ । यो गत फागुन २६ गतेपछिको सबैभन्दा धेरै संख्या हो ।
स्वास्थ्य तथा जनसंख्या मन्त्रालयको विवरणअनुसार मंगलबार १ हजार ९४४ जनाको पिसिआर र १ हजार १६८ जनाको एन्टिजेन परीक्षण गर्दा यो तथ्यांक आएको हो । योसँगै सक्रिय संक्रमितको संख्या ४०१ पुगेको छ । स्वास्थ्य मन्त्रालयका अनुसार पछिल्लो २४ घण्टामा २० जना कोरोनालाई जितेर घर फर्किएका छन् ।
