मिडियाबाजी डटकम काठमाडौँ,भाद्र १३ । अख्तियार दुरूपयोग अनुसन्धान आयोगले रूपन्देहीमा कार्यरत नापी अधिकृत सुग्रीव यादवविरूद्ध भ्रष्टाचार मुद्दा दर्ता गरेको छ ।
उनीविरूद्ध ५ करोड ७९ लाख ६२ हजार ४४० रूपैयाँ भ्रष्टाचार गरेको आरोपमा अख्तियारले शुक्रबार विशेष अदालतमा मुद्दा दर्ता गरेको हो ।
उनले निमित्त कार्यालय प्रमुख रहँदा विभिन्न व्यक्तिहरूलाई प्रभावमा पारेर सार्वजनिक जग्गाहरू व्यक्तिको नाममा गरेको अख्तियारको आरोप छ । अख्तियारका अनुसार २०५३ असार १३ गतेदेखि ०८१ असार १६ गतेसम्म रहँदा उनको व्यक्तिगत कारोबार मात्रै १४ करोड ८३ लाख ५७ हजार ८८४ रूपैयाँ देखिएको छ ।
