मिडियाबाजी डटकम काठमाडौं ,फागुन ४ । नेपाली बजारमा आज सुनको मूल्य घटेको छ ।
नेपाल सुनचाँदी व्यवसायी महासंघका अनुसार बिहीबार १ लाख १८ हजार ५ सय रूपैयाँमा कारोवार भएको छापावाल सुन आज १४ सयले घटेर १ लाख १७ हजार १ सय रूपैयाँमा कारोवार भइरहेको छ । तेजाबी सुन प्रतितोला १ लाख १६ हजार ८ सय रूपैयाँमा कारोबार भइरहेको छ ।
त्यसैगरी, चाँदीको मूल्य भने आज बढेको छ । बिहीबार चाँदी प्रतितोला १३ सय ७५ रूपैयाँमा कारोबार भएको थियो भने आज ३५ रूपैयाँले बढेर १४ सय १० रूपैयाँमा कारोवार भइरहेको छ ।
